0 dorav naj sas paša mare punre,

amen leske naklam,

sar phenol pe,

- ni jek bibaht kokoro ni resel -

o sastruno devel pe amare ile pelo.

Gote kaj si e šere nange, ivjake

amen amare dajenge rujam

thaj e mule chaven e mandeleske patrenca uchardam,

te tataras len, an sajekutno suno.

An kale raca chuden amen

thaj napal an detharinake sahata

e phuv amendar, nevebijandendar cuci meken.

An suno rodav tuke vošenge cara thaj menta rupuni;

te trebela, jakha, me vakarav tuke,

nikana an lengo cham te na dikhes,

te lenge vasta bara kerdona.

Godoleske e vošenge cara, e menta.

Von pe co cikat pašljon,

kana e aindzara resena.

Sa e Romenge, Sintenge thaj Jenischenge, sa e Judenge,

save si mudarde arati thaj save tajsa avena mudarde.